Ўзбекистонда меҳнатга лаёқатли ёшдагилар неча кишини ташкил қилмоқда

Миллий статистика қўмитаси мамлакат аҳолисининг ёш гуруҳлари бўйича таркибини эълон қилди.

Миллий статистика қўмитаси маълумотларига кўра, Ўзбекистонда 2025 йилнинг 1 апрель ҳолатига доимий аҳоли сони 37 697,8 минг кишини ташкил этди.

Доимий аҳоли сонининг ёш гуруҳлари бўйича таркиби қуйидагича:

— меҳнатга лаёқатли ёшдан кичиклар – 12,1 млн киши (32,1 %);

— меҳнатга лаёқатли ёшдагилар – 21,1 млн киши (56 %);

— меҳнатга лаёқатли ёшдан катталар – 4,5 млн киши (11,9 %).

Маълумотга кўра, Ўзбекистоннинг доимий аҳолиси сони ўтган йилнинг мос даври билан солиштирилганда 2 % га ошган.

Мамлакат аҳолиси 2025 йил бошидан буён 154,6 минг кишига кўпайган. 2025 йилнинг ҳар бир ойида ўртача 51,5 минг кишига, ҳар бир кунида эса ўртача 1,7 минг кишига кўпаймоқда.