Апрель ойининг ўн кунлигида 317 нафар автобус йўловчиси йўл ҳақини тўламаган

Тошкентдаги автобусларда рейд тадбирлари ўтказилиб, маъмурий баённома расмийлаштирилди.

Транспорт назорати инспекцияси ҳамда Тошкент шаҳар жамоат транспортини мониторинг ва назорат қилиш давлат муассасаси ходимлари томонидан Тошкент шаҳри автобусларида йўл ҳақини тўламасдан тушиб кетаётган йўловчиларга нисбатан кучайтирилган рейд тадбирлари давом этмоқда.

Аниқланишича, апрель ойининг дастлабки ўн кунлигида 317 нафар йўловчи йўл ҳақини тўламаган. Оқибатда ушбу йўловчиларга нисбатан эгишли тартибда маъмурий баённома расмийлаштирилган.

“Транспорт nazorati инспекцияси барча йўловчиларни йўл ҳақини ўз вақтида тўлаб юришларини акс ҳолда қонунчиликда белгиланган тартибда чора кўрилишини маълум қилади”,- дейилади хабарда.