Саблячи қизларимиз Осиё чемпионатида жамоавий дастурда бронза медалини қўлга киритишди

Қиличбозлик бўйича Ўзбекистон терма жамоаси Ҳиндистонда бўлиб ўтаётган Осиё чемпионатида яна бир бронза медалига сазовор бўлди.

Аёллар ўртасидаги жамоавий сабля дастурида иштирок этган юртимиз вакиллари ярим финалда Жанубий Корея терма жамоасига имкониятни бой беришди ва бронза медаллари билан тақдирланишди. Мусобақада Зайнаб Дайибекова, Гулистан Пердиебаева, Фернанда Эррера ҳамда Аяқўз Жума­мура­това юртимиз шарафини ҳимоя қилишди.

Қайд этиш жоиз, мусобақа давомида Осиё қиличбозлик конфедерацияси томонидан 2024/2025 йилги мавсум лауреатлари ҳам тақдирланишди. Унда ҳамюртимиз Дилором Турдиқулова шпага дастурида энг яхши ҳакам деб топилди.

Манба: olympic.uz