[ sport ] 3 Oktyabr 2026
Осиё ўйинлари: Ўзбекистонлик чемпион ва мураббийларга бериладиган мукофотлар маълум
Белгиланган тартибга кўра, олтин медаль соҳиби 25 минг АҚШ доллари, кумуш медаль олган спортчи 12,5 минг доллар, бронза медаль учун эса 6 250 доллар миқдорида мукофот пули олади.
Спортчиларни мусобақага тайёрлаган мураббийлар учун ҳам алоҳида рағбатлантириш белгиланган. Чемпион спортчи мураббийига 10 минг доллар, кумуш медаль соҳиби устозига 5 минг доллар, бронза медаль учун эса 2,5 минг доллар берилади.
Ушбу миқдорлар президентнинг 2026 йил 21 сентябрдаги ПҚ–347-сон қарори билан белгиланган.
Айни пайтда Ўзбекистон делегацияси Аичи-Нагоя — 2026 Осиё ўйинларида 21 та олтин, 25 та кумуш ва 24 та бронза — жами 70 та медаль билан умумжамоа ҳисобида 5-ўринни эгаллаб турибди.
Манба: www.stadion.uz.