World Boxing кубоги: Эркаклар терма жамоамиз яна етакчи бўлди

Хитойнинг Гуиянг шаҳрида ташкил этилган World Boxing кубогининг 2-босқичи ўз якунига етди. Ушбу мусобақада муваффақиятли иштирок этган Ўзбекистон терма жамоаси 4 та олтин, 3 та кумуш ва 4 та бронза, жами 11 та медални қўлга киритди.

Қувонарлиси, эркаклар терма жамоамиз 3 та олтин, 1 та кумуш ва 2 та бронза медали билан яна етакчилар қаторидан жой олди. Умумий жадвалда эса мезбон Хитой терма жамоаси 5 та олтин, 1 та кумуш ва 3 та бронза медали билан биринчи, Қозоғистон 5 та олтин ва 3 та бронза билан иккинчи, 4 та олтин, 3 та кумуш ва 4 та бронза медалига эга бўлган Ўзбекистон терма жамоаси эса кучли учликдан ўрин олди.

Ғолиб ва совриндорларимиз:

Олтин медаль:
— 60 кг: Абдумалик Халоков
— 90 кг: Тўрабек Ҳабибуллаев
— 80 кг: Жавоҳир Умматалиев
— 57 кг: Нигина Ўктамова

Кумуш медаль:
— 50 кг: Асилбек Жалилов
— 48 кг: Фарзона Фозилова
+80 кг: Олтиной Сотимбоева

Бронза медаль:
— 85 кг: Акмалжон Исроилов
+90 кг: Арман Маханов
— 60 кг: Ситора Турдибекова
— 75 кг: Азиза Зокирова.

Манба: olympic.uz