Шерзод Поёнов Осиё ўйинларининг кумуш медалини қўлга киритди

Япониянинг Нагоя шаҳрида давом этаётган ёзги Осиё ўйинларида ўзбекистонлик спортчилар юқори натижаларни қайд этишда давом этмоқда.

Эркин кураш баҳсларида юртимиз шарафини ҳимоя қилган ҳамюртимиз Шерзод Поёнов шоҳсупанинг кумуш медалини қўлга киритди.

97 кг вазн тоифасида кечган шиддатли ва муросасиз финал баҳсида Шерзод Поёнов эронлик полвон Амирали Азарпира билан гиламга тушди.

Кескин курашларга бой ўтган ҳал қилувчи баҳсда ҳамюртимиз рақибига имкониятни бой бериб, мусобақанинг кумуш медалига сазовор бўлди.