Бокс. Руслан Абдуллаев ғалабали сериясини давом эттирди

Профессионал бокснинг супер енгил вазн (63,5 кг) тоифасида ўз жангларини ўтказаётган, Руслан Абдуллаев АҚШнинг Калифорния штатида ташкил этилган жанг кечасида ринга кўтарилди.

Абдуллаевга кубалик Орестес Велазкез рақиблик қилди. 10 раунд қилиб белгиланган жангнинг 5 раунди ўтиб бораётган бир паллада Руслан ўзига хос кучли зарбалари билан жанг тақдирини ҳал қилди.

Шу тариқа юртдошимиз профессионал боксдаги 5-жангида ҳам техник нокаут билан ғалабага эришиб, ғалабали сериясини давом эттирди.