Юртдошларимиз спорт гимнастикаси бўйича Осиё чемпионатида олтин ва бронза медалларини қўлга киритишди

Хитойнинг Зуньи шаҳрида спорт гимнастикаси бўйича эркаклар ўртасида ёшлар ва катталар тоифаларидаги Осиё чемпионати бўлиб ўтмоқда. Мусобақанинг бугунги кун баҳсларида ҳамюртларимиз 1 тадан олтин ва бронза медалига сазовор бўлишди.

Ҳар икки медаль спорт отидаги машқ дастурида қўлга киритилди. Катталар ўртасидаги беллашувларда Ўткирбек Жўраев энг юқори баллни жамғариб, олтин медалга сазовор бўлди.

Ёшлар тоифасида эса Тимур Камаев шоҳсупанинг учинчи поғонасидан жой олиб, бронза медалини қўлга киритди.

Манба: olympic.uz