Ўзгидромет сел ва тошқинлар хавфи бўйича шошилинч огоҳлантириш эълон қилди

Огоҳлантириш Қашқадарё, Сурхондарё, Самарқанд, Навоий, Жиззах, Тошкент, Наманган, Фарғона ва Андижон вилоятларининг айрим ҳудудлари, шунингдек Ангрен, Олмалиқ ва Хонобод шаҳарларига тааллуқли.

Синоптиклар аҳоли, сайёҳлар ва тоғли ҳудудларга йўл олаётган ҳайдовчиларни эҳтиёт чораларига риоя қилишга ҳамда об-ҳаво шароитининг ёмонлашиш эҳтимолини инобатга олишга чақирди.

Шунингдек, мамлакатнинг айрим ҳудудларида ёмғир сувлари тўпланиши кузатилиши мумкин. Бу эса айрим жойларда маҳаллий сув босиш ҳолатларига сабаб бўлиши эҳтимолдан холи эмас.