АҚШда сурункали гепатит B’ни функционал даволашга қодир илк бепировирсен препарати маъқулланди

АҚШ соғлиқни сақлаш органлари сурункали гепатит B ни функционал даволаш имконини берувчи илк препарат — бепировирсенни (Bepirovirsen) маъқуллади. «GSK» фармацевтика компанияси томонидан ишлаб чиқилган ушбу антимаъноли олигонуклеотид вирус РНКсини блокловчи ва иммунитетни фаоллаштирувчи таъсир механизмга эга.

Учинчи босқич клиник синовларида иштирокчиларнинг қарийб 20 фоизи тўлиқ функционал тузалишга эришган. Даволаш курси тугаганидан 24 ҳафта ўтиб, беморлар қонида вирус ДНКси ҳамда юза антигени мутлақо аниқланмаган, 72 ҳафтадан сўнг эса иштирокчиларнинг 49 фоизида антиген даражаси 100 ХБ/мл ва ундан паст кўрсаткичга тушган. Стандарт терапия олаётган ва цирроз аломатлари бўлмаган катта ёшли беморлар учун мўлжалланган 6 ойлик ушбу даволаш курси беморларнинг бир қисмига вирусни бостирувчи дори воситаларини бир умр қабул қилишдан воз кечиш имконини беради.