Эркабой Тажиев Қорақалпоғистон прокурори бўлди

Қорақалпоғистон Жўқорғи Кенгесининг Ўзбекистон бош прокурори қатнашган сессиясида Эркабой Тажиев республика прокурори лавозимига тайинланди. У 2016−2017 йилларда ҳам мазкур лавозимда фаолият олиб борган.

23 июль куни Қорақалпоғистон Республикаси Жўқорғи Кенгесининг 32-сессияси бўлиб ўтди. Унда Ўзбекистон бош прокурори Ниғматилла Йўлдошев қатнашди.

Сессияда Қорақалпоғистон прокурори лавозимига Тажиев Эркабой Аминович тайинланди.

У 2019 йилдан бугунги кунга қадар Қашқадарё вилояти прокурори сифатида фаолият юритиб келаётганди.

Тажиев Эркабой 2016−2017 йилларда Қорақалпоғистон прокурори бўлиб ҳам ишлаган.

У мазкур лавозимда 2020 йилдан бери ишлаб келаётган Фархад Ембергенович Алламбергеновнинг ўрнини эгаллади.