Шахмат-2022. 8-турдаги рақибларимиз маълум бўлди

Ҳиндистоннинг Ченнай шаҳрида ўтказилаётган шахмат олимпиадасида 7-тур ўйинлари якунланди. Ўзбекистон эркаклар терма жамоаси бугун Перу устидан 4:0 ҳисобида ғалаба қозонгач, 12 очко билан жадвалда 2-ўринга кўтарилиб олди. Пешқадам Арманистон ҳисобида эса 13 очко мавжуд.

Терма жамоамиз 8-турда Германияга қарши баҳсларда иштирок этадиган бўлди. Ушбу жамоа 7-турдан сўнг 12 очко билан 6-поғонани эгаллаб турибди. Немислар мусобақада 9-рейтинг поғонасига эга. Арманистон Ҳиндистоннинг биринчи жамоаси билан, АҚШ эса мезбонларнинг иккинчи жамоасига қарши эртага дона суришади.

Ўзбекистон аёллар терма жамоаси бугунги мағлубиятдан сўнг 45-ўринга тушиб кетди. Қизларимиз эртага Шимолий Македонияга қарши баҳсларда иштирок этишади. Ушбу жамоа мусобақада 27-поғонада сараланган бўлиб, айни пайтда 71-ўринни эгаллаб турибди.

Эртанги баҳслар ҳам одатдагидек Тошкент вақти билан 14:30да старт олади.

Манба: stadion.uz