Шоҳжаҳон Эргашев АҚШда ўтган жангда рақибини нокаутга учратди (видео)

Профессионал бокснинг супер енгил вазн тоифаси ( — 63,5 кг) вакили Шоҳжаҳон Эргашев (23-0, 20 КО) ўзининг навбатдаги жангини Тошкент вақти билан 11 август тонгида ўтказди.

АҚШнинг Детройт шаҳрида бўлиб ўтган бокс оқшомида Шоҳжаҳонга Мексика вакили Анхель Мартинес (14-2-2, 14 КО) рақиблик қилди. Жанг ўзбекистонлик боксчининг устунлигида бошланди.

5-раундга келиб Эргашев рақибини нокдаун ҳолатига туширди, бироз ўтиб зарбалар сериясини ёғдирди ва ҳакам техник мағлубиятни қайд этди.

Шу тариқа ўзбекистонлик боксчи профессионал фаолиятидаги 23-ғалабани қўлга киритди, уларнинг 20 таси нокаут билан якунланган.

Манба: daryo.uz