Шахмат-2022. Уч нафар спортчимиз индивидуал йўналишда медалларни қўлга киритишди

Ченнай шаҳрида якунланган Бутунжаҳон шахмат олимпиадасида жамоавий баҳслардан ташқари индивидуал натижалар бўйича ҳам кураш кетди.

Ушбу индивидуал натижалар бўйича Жаҳонгир Воҳидов 4-тахтада ўйнаган шахматчилар орасида олтин медални қўлга киритди!

Нодирбек Абдусатторов эса 1-тахтадаги шахматчилар орасида кумуш медални қўлга киритди. У ҳаттоки шахмат тожининг амалдаги соҳиби Магнус Карлсенни ҳам ортда қолдирди. 1-тахтада олтин медаль Гукешга насиб қилди.

Нодирбек Якуббоев эса 2-тахтадаги шахматчилар орасида бронза медали соҳиби бўлди.

Ундан ташқари, Ўзбекистон эркаклар терма жамоаси аъзоларига энг чиройли кийим номинациясида ғолибликни қўлга киритишди.

Манба: xushnudbek.uz