Шахмат-2022. Аёллар мусобақасида Украина чемпион бўлди

Ҳиндистоннинг Ченнай шаҳрида ўтказилган Бутунжаҳон шахмат олимпиадаси якунига етди. Эркаклар ўртасидаги мусобақада Ўзбекистон чемпион бўлган бўлса, аёллар турнирида Украина ғолибликни қўлга киритди.

Украиналик аёллар 11та тўқнашувнинг 7тасида ғалаба, 4тасида дуранг ўйнаб, 18 очко билан 1-ўринни қўлга киритишди. Улар шунча очко жамғарган Грузияни қўшима кўрсаткичлар бўйича ортда қолдиришди.

Бронза медали эса Ҳиндистоннинг биринчи жамоасига насиб этди (шу тариқа, мезбонлар 2та бронза медалига эга бўлишди). Аёллар мусобақасида АҚШ ва Қозоғистон кучли бешликка киришди.

Ўзбекистон аёллар терма жамоаси эса 14 очко билан шахмат олимпиадасини 31-поғонада якунланди (7 ғалаба ва 4 мағлубият).

Манба: stadion.uz