Бектемир Мелиқўзиев босниялик боксчини муддатидан аввал мағлуб этди (видео)

Профессионал бокснинг супер ўрта ( — 76,2 кг) вазн тоифасида рингга чиқадиган ўзбекистонлик боксчи Бектемир Мелиқўзиев (10-1, 8 КО) Тошкент вақти билан 7 август тонгида ўзининг навбатдаги жангини ўтказди.

АҚШнинг Техас штатида бўлиб ўтган жангда ўзбекистонлик боксчига босниялик Сладан Янянин (32-12, 24 КО) рақиблик қилди. Ўн раундга мўлжалланган беллашувнинг дастлабки уч дақиқалигида Бектемир рақибини нокдаун ҳолатига туширди.

Иккинчи раундда ҳам устунлик Мелиқўзиев томонида бўлди. Учинчи раундда рефери Бектемирнинг кетма-кет зарбаларидан кейин жангни тўхтатди ва техник нокаутни қайд этди.

Шу тариқа, Мелиқўзиев профессионал фаолиятидаги 10-ғалабасини қўлга киритди.

Манба: daryo.uz