Бокс-2022. Руслан Абдуллаев қийинчиликсиз ғалаба қозонди

Иорданиянинг Амман шаҳрида бокс бўйича Осиё чемпионатида чорак финал жанглар ўтказилмоқда. Ҳозиргина Руслан Абдуллаев (63,5 кг.) филиппинлик Жеймс Палистега қарши баҳс олиб борди.

Ҳамюртимиз барча раундларда устунликка эга бўлди. Ҳаттоки учинчи бўлимда Руслан рақибини нокдаунга туширди. Оқибатда Абдуллаев 5:0 (30:27, 30:27, 30:27, 30:26, 30:26) ҳисобида ғалабани расмийлаштирди ва ярим финалга чиқди.

Манба: stadion.uz