Таэквондо бўйича ЖЧ. Улуғбек Рашитов медалгача етиб бора олмади
Афсуски, унда иштирок этган икки нафар ҳамюртимиз Улуғбек Рашитов ( — 68 кг) ва Зарнигор Ҳусниддинова ( — 49 кг) совриндорлар қаторидан жой олишолмади.
Ўз вазнининг етакчиларидан бири ҳисобланган Улуғбек Рашитов биринчи босқичдан озод этилган бўлса, иккинчи босқичда у пуэрто-рикалик спортчини осонлик билан мағлуб этди.
Нимчорак финалга ҳамюртимизга озарбойжонлик Жавад Оғаев рақиблик қилди. Биринчи бўлимда ҳисоб очилмаган бўлса-да, инобатга олинмаган зарбалар туфайли устунлик озар таэквондочисига берилди. Иккинчи раудда эса Улуғбек 4:2 ҳисобида ғалаба қозониб, раундлар бўйича ҳисобни тенглаштирди. Учинчи бўлимда эса Оғаев 6:5 ҳисобида ғалаба қозонди ва олимпиада чемпионини мусобақадан чиқариб юборди. Жаваднинг ўзи бронза медалини қўлга киритди.
Зарнигор Ҳусниддинова эса илк босқичдаёқ марокашлик спортчига имкониятни бой берди.
Ушбу кунда шоҳсупага кўтарилган таэквондочилар:
Эркаклар, — 68 кг:
1. До-Юн Квон (Корея Республикаси)
2. Бредли Синден (Буюк Британия)
3. Жавод Агаев (Озарбайжон)
3. Ризо Калхор (Эрон)
Аёллар, — 49 кг:
1. Даниела Соуза (Мексика)
2. Гуо Син (Хитой)
3. Дунё Абутолиб (Саудия Арабистони)
3. Панипак Вонгпаттанакит (Таиланд)
Манба: stadion.uz