Бокс. Ҳабибуллаев қозоғистонлик рақибини мағлуб этиб, Ўзбекистонга бешинчи олтин медални тақдим этди

Испаниянинг Ла Нусия шаҳрида бокс бўйича ёшлар ўртасида жаҳон чемпионатида финали доирасида иккинчи кун жанглари бўлиб ўтмоқда.

Эркаклар ўртасида 75 кг вазн тоифасида финалгача етиб келган Тўрабек Ҳабибуллаев қозоғистонлик Даулет Тулемиссовга қарши олтин медаль учун жанг қилди.

Биринчи бўлимда ҳамюртимиз устунликка эришган бўлса, иккинчи раундда қозоқ спортчиси ҳисобни тенглаштирди. Ҳабибуллаев учинчи бўлимда яна тўла устунликка эришди ва ғалабани ўз томонига оғдирди — 4:0.

Шу тариқа, Тўрабек делегациямиз ҳисобида бешинчи олтин медални қўшиб қўйди.

Манба: stadion.uz