Ўзбекистонда ўтган йили 469 нафар шахс вояга етмаганларга зўравонлик қилди
23 нафар шахс 14 ёшга етмаганларнинг номусига теккан. 250 нафарга яқин киши эса 16 ёшга тўлмаган шахс билан жинсий алоқа қилгани учун жазога тортилган.
Қайд этилишича, 23 нафар шахс 14 ёшга етмаган шахснинг номусига ва ундан тўрт баробар кўпи — 99 нафари ўн тўрт ёшга тўлмаганлиги айбдорга аён бўлган шахсга нисбатан жинсий эҳтиёжни ғайритабиий усулда қондириш моддалари билан жазоланган.
249 нафар шахс 16 ёшга тўлмаган шахс билан жинсий алоқа қилгани учун жазога тортилган.
7 нафар шахс 16 ёшдан 18 ёшгача бўлган шахс билан моддий қимматликлар бериш ёхуд мулкий манфаатдор этиш орқали жинсий алоқа қилгани учун жазога тортилган. 91 нафар шахс ўн олти ёшга тўлмаган шахсга нисбатан уятсиз-бузуқ ҳаракатлар қилгани учун жазоланган.