Tata Steel Chess 2023. Жавоҳир Синдоров АҚШлик шахматчини мағлуб этди

Нидерландиянинг Вейк-ан-Зее шаҳрида ўтказилаётган шахмат бўйича «Tata Steel — 2023» халқаро турнирида бугун «Мастерс» ва «Челенжерс» гуруҳларида 9-тур ўйинлари ўтказилмоқда.

Мусобақанинг «Challengers» турнирида қатнашаётган Жавоҳир Синдоров ушбу турда АҚШ вакили Мишра Абҳиманюга қарши оқ доналарда ўйнади. Ҳамюртимиз деярли бехато ўйин ўтказди ҳама рақибнинг хатоларидан унумли фойданиб, ғалабани қўлга киритди.

Синдаров ушбу ғалаба туфайли ўз очколарини 6 тага етказиб олди. Энди у пешқадамлардан атиги 0,5 очко ортда қолмоқда. Жавоҳир эртага нидерландиялик Элвин Л'Ами билан қора доналарда ўйнайди.

«Masters» гуруҳида иштирок этаётган Нодирбек Абдусатторов эса айни пайтда германиялик Винсент Кеймер билан ўйнамоқда. Унинг натижаси билан баҳс якунлангач таништириб ўтамиз.

Манба: stadion.uz