Теннис. Жокович Надалга етиб олди

Хабарингиз бор, сербиялик теннисчи Новак Жокович Австралия очиқ чемпионати ғолибига айланди ва «Катта дубулға» туркумига кирувчи турнирларда совринлар сони бўйича испаниялик Рафаэль Надалга етиб олди. Ҳар икки теннисчи ҳисобида 22 та йирик ғалаба бор.

Жокович Австралия очиқ чемпионатида 10 марта, Уимблдонда етти марта, АҚШ очиқ чемпионатида уч марта ва Франция очиқ чемпионатида икки марта ғолиб чиққан. Надаль Ролан Гарросда 14 та, АҚШ Очиқ чемпионатида 4 та, Уимблдон ва Австралия Очиқ чемпионатида иккитадан ғалаба қозонган.

Австралия Очиқ чемпионатининг жорий мавсумида Новак Жокович грециялик теннисчи Стефанос Циципасни мағлуб этди. Жокович учун бу ғалаба Циципас устидан расмий ўйинлардаги кетма-кет 10-си бўлди. Грециялик Австралия очиқ чемпионатида илк финалини ўтказди.