Жаҳон чемпиони Париж «катта дубулға» турнирида иштирок этмайди

Дзюдо бўйича эртага старт оладиган Париж «катта дубулға» турнири олдидан Ўзбекистон терма жамоаси таркибида ўзгариш бўлди. — 90 кг вазн тоифасида иштирок этиши кутилган Давлат Бобонов мусобақани ўтказиб юборадиган бўлди.

Спортчимизнинг маълум қилишича, саломатлигида кичик муаммо борлиги боис ушбу мусобақада қатнаша олмайди.

Шу тариқа, беллашувларда 7 нафар спортчимиз иштирок этади. Бугун куннинг иккинчи ярмида қуръа ташлаш маросими бўлиб ўтади.

Манба: olympic.uz