Хоккей. «Ҳумо» плей-офф босқичида дастлабки ғалабани қўлга киритди

Жорий мавсумда Қозоғистон чемпионатида иштирок этаётган Тошкентнинг «Ҳумо» хоккей клуби плей-офф босқичидан ўрин олган дастлабки ўйинни ўтказди. Тошкентликлар «Горняк» клубига қарши дастлабки ўйинда қийин ғалабага эришишди.

Баҳснинг биринчи бўлимида қозоғистонликлар ҳисобни очишган бўлса, иккинчи таймда вакилларимиз Артём Валеевнинг голи эвазига ҳисобни тенглаштиришди.

Учинчи даврда ҳисоб ўзгармагани учун навбат овертаймга берилди. Унинг 14-дақиқаси «Горняк» хоккейчиси хавфли ўйин учун 4 дақиқага майдондан четлатилди. «Ҳумо» бундан унумли фойдаланиб, ғалабани ўз томонига оғдирди. Ғалаба тўпи муаллифи ҳам Артём Валеев бўлди.

Шу тариқа, «Ҳумо» плей-оффда дастлабки ғалабага эришди. Чорак финал босқичи жамоалардан бири 4 марта ғалаба қозонгунга қадар ўйинлар ўтказилади. Иккинчи учрашув эртага — 17 февраль куни бўлиб ўтади. Кейинги иккита баҳс эса 21 ва 22 февраль кунлари Рудний шаҳрида бўлиб ўтади.

Манба: stadion.uz