Ўзбекистонда тадбиркорларга қарши янги санкцияларга уч йиллик мораторий жорий этилди

Тадбиркорлик субъектлари уч йил муддатга янги турдаги жавобгарлик ва санкцияларни қўллашдан озод этилади.

Президент фармонига кўра, тадбиркорлик субъектларининг ҳуқуқий ҳимоясини янада кучайтириш мақсадида 2023 йил 1 июлдан бошлаб тадбиркорлик субъектларига нисбатан янги турдаги жавобгарлик ва жазо чораларини жорий этишга уч йиллик мораторий ўрнатилади.

Шу билан бирга, Адлия вазирлигига Бош прокуратура билан биргаликда бир ой муддатда савдо ёки хизмат кўрсатиш қоидаларини бузганлик учун жиноий жавобгарликни маъмурий юрисдикцияга ўтказиш орқали бекор қилишни назарда тутувчи қонун лойиҳасини ишлаб чиқиш топширилди.