Таэквондочиларимиз Беларус очиқ чемпионатида бешта медалга сазовор бўлишди

10-12-март кунлари Минск шаҳрида таэквондо WT бўйича Беларус очиқ чемпионати бўлиб ўтди. Унда иштирок этган спортчиларимиз 1 та олтин, 1 та кумуш ва 3 та бронза медалларини қўлга киритишди.

Хабарингиз бор, ушбу спорт турида Ўзбекистон терма жамоасининг етакчилари Нидерландия ва Бельгиядаги мусобақаларга йўл олган. Беларусдаги мусобақада асосан иккинчи таркиб аъзолари иштирок этишди. Турнирда шоҳсупага кўтарилган спортчилар билан танишинг:

Олтин медал:
— 54 кг: Омонжон Отажонов

Кумуш медал:
+73 кг: Ирода Миртожиева

Бронза медал:
— 68 кг: Диёр Тўхлибоев
+87 кг: Марат Мавлонов
— 62 кг: Озода Собиржонова

Манба: Olympic.uz