Дзюдо. Диёра Келдиёрова Тбилиси «катта дубулға» турнирида ғолиб чиқди

Дзюдо бўйича Тбилиси «Катта дубулға» турнирида биринчи кун баҳслари якунига етиб бормоқда. Қувонарлиси, унда иштирок этган ҳамюртимиз Диёра Келдиёрова ғолибликни қўлга киритди.

— 52 кг вазн тоифасида иштирок этаётган спортчимиз юқори рейтинг поғонаси сабаб биринчи даврадан эркин ўтди. Шундан сўнг Келдиёрова саралашда Қозоғистон, Польша вакилларини, ярим финалда эса Хитой терма жамоаси аъзосини муддатидан аввал мағлубиятга учратишга эришди.

Ҳамюртимиз олтин медаль учун Токио — 2020 Олимпиадаси чемпиони косоволик Дистрия Красничи билан беллашди ва 40 сонияда 2 та вазари баҳосини қўлга киритиб, чемпионга айланди.

Шу тариқа, Келдиёрова Париж — 2024 олимпиадаси учун муҳим баллга эга бўлди.

Манба: stadion.uz