Нью-Дели-2023. Ўзбекистонлик аёл боксчилар ЖЧни медалсиз якунлашди

Ҳиндистоннинг Нью-Дели шаҳрида бокс бўйича аёллар жаҳон чемпионатида бугун ярим финал жанглари ўтказилади. Афсуски, мусобақанинг ушбу босқичигача ўзбекистонлик спортчилардан ҳеч бир етиб кела олмади. Турнирга юртимиздан 10 нафар боксчи йўл олганди.

Улардан 3 нафари чорак финалгача етиб бориб, кечаги жанглардан сўнг ўз юришларини тўхтатишди.

Хитойнинг 7 аъзоси ярим финалга чиққан бўлса, Қозоғистоннинг 6 боксчиси финал йўлланмаси учун рингга кўтарилади.

Манба: stadion.uz