Тошкентда ижарага олинган хонадондан ўлик ҳолда топилган россиялик журналист Александр Нечаевнинг ўлими сабаби маълум бўлди

Бош прокуратура суд-тиббий экспертизасининг дастлабки натижаларини эълон қилди.

Кеча россиялик журналист Александр Нечаев Тошкентда ижарага олинган хонадондан ўлик ҳолда топилгани ҳақида хабар берган эдик. Бош прокуратура унинг ўлими сабабини маълум қилди.

Суд-тиббиёт экспертизасининг дастлабки хулосасига кўра, Александр Нечаевнинг ўлими «сурункали юрак-ўпка етишмовчилиги, юракнинг сурункали ишемик касаллиги»дан келиб чиққан, дея хабар бермоқда Бош прокуратура матбуот хизмати раҳбари Хаёт Шамсутдинов.

Унга кўра, А. Нечаевнинг танаси кўздан кечирилганда тан жароҳатлари аниқланмаган.