Хоккей. «Ҳумо» камбекни амалга оширди ва финалда дастлабки ўйинда ғалаба қозонди

Жорий мавсумда Қозоғистон чемпионатида иштирок этаётган «Ҳумо» хоккей клуби илк уринишдаёқ плей-офф босқичи финалига чиққани ҳақида хабар бериб ўтгандик.

Жамоамиз бугун ҳам Қозоғистоннинг «Номад» клубига қарши дастлабки учрашувни ўтказди. Ўйин астаналиклар учун жуда яхши бошланди. Улар учинчи дақиқадаёқ ҳисобни очишган бўлса, 15-дақиқага келиб ҳисобни мустаҳкамлашди — 0:2.

«Ҳумо» иккинчи бўлим ўрталарига келиб Денис Шураковнинг голи эвазига ҳисобни биттага қисқартирди. Учинчи тайм ўрталарида эса «Номад» майдонда бир киши бўлиб қолди. Бундан эса хоккейчиларимиз унумли фойдаланиб, ҳисобни тенглаштирди. Гол муаллифи — Максим Трунёв.

Асосий вақтда ҳисоб тенг бўлгани учун овер-тайм белгиланди. Учинчи 3-дақиқасида Тимур Шингареев қарши ҳужумга ўтди ва рақиб ҳудудида икки ҳимоячини чалғитган ҳолда ажойиб зарба билан ғалаба голи муаллифига айланди — 3:2.

Шу тариқа, «Ҳумо» финалдаги дастлабки ғалабага эришди. Чемпионлик серияси бир жамоа 4 ғалаба эришгунга қадар давом этади. Иккинчи ўйин эртага 19:30да «Ҳумо арена»да бўлиб ўтади.

Хоккей. Қозоғистон чемпионати. Финал, 1-ўйин
«ҲУМО» — «АСТАНА» — 3:2 ОТ (0:2, 1:0, 1:0, 1:0)
Голлар:
02:23. 0:1 — Алихан Омирбеков
14:18. 0:2 — Адиль Бекетаев
33:49. 1:2 — Денис Шураков
53:28. 2:2 — Максим Трунёв
62:28. 3:2 — Тимур Шингареев

Манба: stadion.uz