Спорт курашлари. Жасмина Иммаева Осиё чемпионатининг кумуш медалини қўлга киритди

Спорт курашлари бўйича Ўзбекистон терма жамоаси Қозоғистонда ўтаётган Осиё чемпионатининг учинчи кунида яна бир медалга сазовор бўлди. — 50 кг вазн тоифасида иштирок этган ҳамюртимиз Жасмина Иммаева кумуш медаль соҳибига айланди.

Юртдошимиз финалда япониялик жаҳон чемпиони Ремина Яшимото билан беллашди. Афсуски, баҳс кунчиқар юрт вакилининг ғалабаси билан якунланди ва Иммаева иккинчи ўрин билан чекланди. Бу курашчимиз учун қитъа биринчилигидаги учинчи медаль бўлди.

Манба: olympic.uz