Бокс бўйича жаҳон чемпионатининг тантанали очилиш маросими ўтказилди

Эртадан дунёнинг энг кучли боксчилари Тошкентда жаҳон чемпионлиги учун баҳсларга киришишади.

Бир неча дақиқа аввал «Ҳумо арена»да мамлакатимиз илк бор мезбонлик қилаётган дунё биринчилигининг тантанали очилиш маросими бўлиб ўтди.

Унда Ўзбекистон Республикаси Бош вазири Абдулла Арипов, Халқаро бокс ассоциацияси президенти Умар Кремлев, Ўзбекистон Республикаси Ёшлар сиёсати ва спорт вазири Адҳам Икрамов, Ўзбекистон Миллий Олимпия қўмитаси Бош котиби Ойбек Касимов, МОҚ раиси ўринбосари, мамлакат бокс федерацияси раисининг биринчи ўринбосари Сакен Полатов иштирок этишди.