Бокс-2023. Абдумалик Ҳалаков чорак финалга чиқди

Белград — 2021 жаҳон чемпионатида кумуш медални қўлга киритган Абдумалик Ҳалаков (57 кг.) Тошкентдаги турнирда муваффақиятли юришини давом эттирмоқда. У бугун нимчорак финал босқичи доирасида Чарли Сениор (Австралия)га қарши жанг олиб борди.

Абдумалик биринчи жангга нисбатан бу сафар фаолликни оширди. Боиси, рақиб ҳам ўзининг тажовузкор ҳаракатлари билан ҳамюртимизни шунга мажбур этди. Аммо, биламиз, Ҳалаковни рингда «тутиб» олиб осон эмас. Ватандошимиз ҳар учала раундда устунликка эришди. Фақатгина учинчи раундда бир ҳакам ўз устунлигини Сениорга берди — 5:0 (30:27, 30:27, 30:27, 30:27, 29:28).

Шу тариқа, Абдумалик Ҳалаков чорак финалга чиқди. У ярим финал йўлланмаси учун иорданиялик Юсуф Яшашга қарши рингга кўтарилади.

Манба: stadion.uz