Бокс-2023. Асадхўжа беларуслик рақибига ҳеч қандай имконият қолдирмади

Тошкентда ўтказилаётган бокс бўйича жаҳон чемпионатида тўққизинчи кун жангларининг кечки дастури давом эттирилмоқда.

67 кг вазн тоифасининг етакчиларидан бирига айланиб бораётган Асадхўжа Мўйдинхўжаев яна бир ғалабани расмийлаштирди. Фарғоналик боксчимиз бу гал беларуслик Кирил Самадуровни мусобақадан чиқариб юборди. Ҳакамларнинг баҳолари — 5:0.

Шу тариқа, Мўйдинхўжаев чорак финалга чиқди. У ярим финал йўлланмаси учун кубалик Рониел Иглесиасга қарши рингга кўтарилади.

Манба: stadion.uz