Бокс-2023. Мужибилло Турсунов учинчи жангда ғалаба қозониб, чорак финалга чиқди

Пойтахтимизда ўтаётган бокс бўйича жаҳон чемпионатида 60 кг вазндаги иштирокчимиз Мужибилло Турсунов бугун турнирдаги ўзининг учинчи жангини ўтказди.

Ҳамюртимиз нимчорак финал босқичида марокашлик Муҳаммад Ҳамутга қарши жанг олиб борди. Рақиб Мужибиллони кўп тер тўкишга мажбур қилди, аммо Турсунов марокашлик спортчи таъқибидан қочиб, етарли зарбалар бера олди. Якуний баҳолар — 5:0 (30:27, 30:27, 30:27, 30:27, 30:27).

Мужибилло Турсуновни чорак финалда россиялик Всеволод Шумковга қарши қийин жанг кутиб турибди.

Манба: stadion.uz