Самарқандда 18 ёшли қизнинг ўзини осгани бўйича иш қайта кўриб чиқилади

Аввалроқ, бу ҳолатда жиноят аломатлари йўқ деб топилганди. Ишни бошқатдан кўриш бўйича топшириқ берилди.

Аввалроқ, Самарқанд вилоятининг Ургут туманида 18 ёшли келин ўзини осиб қўйгани ҳақида хабар бергандик. Ургут тумани прокуратураси томонидан ўтказилган текшириш натижаларига кўра жиноят иши қўзғатишни рад этиш тўғрисида қарор қабул қилинганди.

Самарқанд вилояти прокуратураси томонидан мазкур қарор назорат тартибида ўрганилиб, бекор қилинди. Бу ҳақда Бош прокуратура хабар берди.

Шунингдек, ҳар томонлама, тўлиқ ва холис қўшимча тергов ўтказиш бўйича топшириқ берилди. Қўшимча тергов натижалари кейинроқ эълон қилинади.