Машиналарга ортиқча газ қуйган “газ заправкалар”ни 1 йилгача лицензиясиз қолдириш таклиф қилинмоқда
Бугун Сенатнинг 32-ялпи мажлисида автомобилларга керагидан ортиқ газ қуйилиши сабаб машиналарда портлаш юзага келаётгани танқид қилинди. Шунингдек, автомобилларга белгиланган миқдордан ортиқ газ қуйган АЁҚШларнинг лицензиясидан маҳрум қилиш таклиф қилинди.
Йиғилишда автомобилларга газ қуйиш шохобчаларида белгиланган миқдордан ортиқ газ қуйилганда 6 ойдан 1 йилгача мазкур шохобчанинг лицензиясидан маҳрум қилиш таклиф қилинди.
Шунингдек, автомобилларга газ қуйишни тартибга солиш ва назорат қилиш билан шуғулланувчи битта масъул ташкилотни белгилаш ҳам таклиф қилинди.
Сенат раиси томонидан кейинги сессиясида бу масала кўриб чиқилиши айтилди.