Тошкентда Мудофаа ишлари бўлими бошлиғи пора билан ушланди

У ноқонуний равишда ҳарбий гувоҳнома расмийлаштириб бериш эвазига фуқародан $600 талаб қилган.

Давлат хавфсизлик хизматининг Тошкент шаҳар бўйича бошқармаси ходимлари томонидан Иқтисодий жиноятларга қарши курашиш департаментининг шаҳар бошқармаси билан ҳамкорликда тезкор тадбир ўтказилган. Бу ҳақда ДХХ Матбуот хизмати хабар бермоқда.

Унда Тошкент шаҳридаги туманлардан бирининг Мудофаа ишлари бўлими бошлиғи фуқарога ноқонуний равишда ҳарбий гувоҳнома расмийлаштириб бериш эвазига ўз хизмат автомашинасида ундан 600 АҚШ доллари олган вақтида ашёвий далиллар билан ушланди.