Шахмат бўйича жаҳон кубоги. Жавоҳир Синдоров франциялик рақиби устидан ғалаба қозониб, кейинги босқичга йўл олди

Озарбайжоннинг Боку шаҳрида шахмат бўйича Жаҳон кубоги баҳслари давом эттирилди.

Мусобақа 3-турининг 2-партия ўйинлари ўтказилди. Ўзбекистонлик шахматчи Жавоҳир Синдоров ушбу босқичда франциялик Максим Ваше-Лагравга қарши дона сурди ва ғалаба қозонди.

Иштирокчилар 1-партияда дуранг натижа қайд этганди. Бугунги ғалабадан сўнг Синдоров 4-босқич йўлланмасига эга чиқди.

Аржун Эригаиси (Ҳиндистон) ва Владимир Федосеев (Словения) жуфтлиги ғолиби кейинги босқичда Жаҳоҳирга рақиб бўлади.

Манба: daryo.uz