Конор Макгрегор декабрь ойида Майкл Чендлерга қарши жанг анонсини ижтимоий тармоққа жойлади (фото)

Икки вазн тоифасида UFC собиқ чемпиони Конор Макгрегор (22-6) 2023 йил декабрь ойида октагонга қайтади.

Конор декабрь ойида Майкл Чендлерга қарши жанг қилади. Бу ҳақида ирландиялик жангчининг ўзи Х (аввалги Twitter) саҳифасида маълум қилди. Суратда Макгрегор ва Чендлер қарама-қаршилиги UFC 296 турнирининг асосий жанги сифатида кўрсатилган.

Турнир 17 декабрь куни Лас-Вегасда (Невада) бўлиб ўтади.

Эслатиб ўтамиз, Макгрегор сўнгги жангини 2021 йил июль ойи Дастин Порьега қарши ўтказиб, оёғини синдириб олганди. Порье техник нокаут эвазига ғалаба қозонган эди.

Аввалроқ, боксчи Олександр Усик Конорни жангга чорлагани хабар қилинганди.

Манба: daryo.uz