Ханчжоу-2022'да еттинчи олтин! Қиличбозларимиздан тарихий чемпионлик!

Қиличбозликнинг сабля йўналиши бўйича Ўзбекистон аёллар терма жамоасидан ажойиб ғалаба.

Ҳамюртларимиз шиддатли руҳда кечган финал жангида япониялик рақибларини мағлубиятга учратиб, Осиё ўйинлари чемпионига айланишди.

Жанг давомида томонлар ҳисобда қувлашмачоқ ўйнашди. Жанг сўнгида 17 ёшли захира спортчимиз Луиза Эррера Лара жамоамизни 3 очко олдинга ўтиб олишини таъминлади. Якуний нуқтани эса Зайнаб Дайибекова қўйди — 45:42!

Бу қиличбозлик спортида Осиё ўйинларида қўлга киритилган биринчи олтин медаль. Баракалла, қизлар!

Манба: stadion.uz