Фатво маркази бир фоизлик кешбэк ҳаромлиги ҳақидаги хабарга муносабат билдирди

Аввалроқ, харид қилинган маҳсулот нархидан бир фоиз кешбэк олиш Ислом динига зид, яъни ҳаром экани ҳақида видеоролик тарқалганди.

Ўзбекистон мусулмонлари идораси Фатво марказига шу савол билан мурожаат қилинган. Фатво маркази ҳаром ҳақидаги хабарни рад этди.

“Ишлатилган маблағнинг маълум қисми қайтариб берилса, буни иқтисод тилида кешбэк дейилади. Банк шу кўринишда ўзининг фойдасидан кечса ёки хизматларидан фойдалангани учун хизмат нархидан бир қисмини қайтиб берса, ундан фойдаланса бўлади”, — дея жавоб берган Фатво маркази.