[ sport ] 4 Oktyabr 2023
Ханчжоу-2022, бокс: Ҳабибуллаев жаҳоннинг вице-чемпионига ютқазиб, бронза медали билан чекланди
Эркаклар ўртасида 80 кг. вазндаги ҳамюртимиз Тўрабек Ҳабибуллаев ярим финалда жаҳоннинг вице-чемпиони хитойлик Туохетаенбиеке Танглатиханга қарши рингга кўтарилди.
Ватандошимиз биринчи раундни тўлалигача ўз фойдасига ҳал қилди. Шундан сўнг мезбон спортчиси очиқ жанг таклиф қилди ва боксчилар ўртасида зарбалар алмашинуви бошланиб кетди. Натижада иккинчи ва учинчи раундлар Хитой боксчиси фойдасига ҳал бўлди. Якуний баҳолар — 1:4 (29:28, 28:29, 28:29, 28:29, 28:29).
Шу тариқа, Ҳабибуллаев бронза медаль билан чекланди.
Манба: stadion.uz