Шавкат Мирзиёев Сурхондарёга жўнаб кетди
16 ноябрь куни президент Шавкат Мирзиёев ҳудудлар иқтисодиёти, муҳим ижтимоий дастурлар ижроси билан танишиш мақсадида Сурхондарё вилоятига жўнаб кетди, дея хабар бермоқда давлат раҳбари матбуот хизмати.
Ташриф давомида иқтисодий йўналишда газни қайта ишлаш, гидроэнергетика, чарм саноати, қишлоқ хўжалиги, тадбиркорлик лойиҳалари кўздан кечирилади.
Шунингдек, ижтимоий соҳаларда ичимлик суви таъминоти, маҳалла тизими, соғлиқни сақлаш, ёшлар масалаларига эътибор қаратилади, дейилади хабарда.
Маълумот учун, давлат раҳбари охирги марта ушбу вилоятга март ойида борганди.