[ jamiyat ] 30 May 2023
Индонезиянинг Batik Air авиакомпанияси Куала-Лумпурдан Тошкентга парвозларни йўлга қўйишни режалаштирмоқда
Жорий йилнинг октябрь ойидан Малайзия ва Ўзбекистон пойтахтлари ўртасида тўғридан-тўғри авиақатновлар йўлга қўйилиши кутилмоқда.
Қайд этилишича, Куала-Лумпур — Тошкент — Куала-Лумпур йўналиши бўйича мунтазам парвозлар ҳафтасига уч мартагача Boeing 737 МАХ 8 самолётларида амалга оширилиши режалаштирилган. Бундай ниятни авиакомпания вакиллари, Ўзбекистоннинг Малайзиядаги элчихонаси, Транспорт вазирлиги ва Самарқанд аэропорти бошқарув компанияси кўмагида, Uzbekistan Airports билан ўтказилган музокаралар чоғида билдиришди.
Маълумот учун, Batik Air — бош қароргоҳи Жакартада жойлашган Индонезия авиакомпанияси бўлиб, Индонезия ичида мунтазам йўловчи рейсларини амалга оширади. Компания Lion Air арзон авиакомпаниясининг шуъба корхонаси ҳисобланади.