Star Мed клиникасининг лицензияси бекор қилинди

Mitti.vine таҳаллуси билан танилган Фарход Манноповнинг ўлимига сабаб бўлган клиниканинг лицензияси бекор қилинди.

Жорий йилнинг 5 март куни Фарход Маннопов бурнидан олган жароҳатидан сўнг Star Med клиникасида жарроҳлик амалиёти вақтида вафот этгани ҳақида хабар берган эдик.

Бугун Тошкент вилояти Зангиота туманлараро иқтисодий судида ССВ томонидан Star Мed клиникасининг лицензиясини бекор қилиш бўйича берилган ариза юзасидан суд мажлиси бўлиб ўтди. Суд қарорига кўра StarМed клиникаси лицензияси бекор қилинди.