Британиялик боксчи Тайсон Фьюри Френсис Нганну билан эҳтимолий реванш жанги ҳақида гапирди.

«Йўқ, бу жанг мен ўйлагандек бўлмади. Унда ҳам бошқа рақиблар каби зарба бериш имконияти бўлади, деб ўйлагандим. Аммо у ўзини яхши жангчи эканлигини исботлади ва эҳтимол, келажакда бизда реванш жанги бўлар. Буни ким ўйлаган бўларди дейсиз?» — деди Фьюри.

Эслатиб ўтамиз, Нганну ва Фьюри ўртасидаги жанг 28 октябрь куни бўлиб ўтганди. Қарама-қаршилик тўлиқ 10 раунд давом этди ва бўлинган қарор (95-94, 95-94, 93-96) билан Тайсоннинг ғалабаси билан якунланди.

Бироқ, баъзи экспертлар ғолиб аслида Френсис бўлган деган фикрни билдиришди.