Тошкентдаги мактаб ҳудудида кўп йиллик дарахтлар кесиб ташланди — фото

Шаҳар Экология бошқармаси ҳолат юзасидан ўрганиш олиб бормоқда.

Аввалроқ, ижтимоий тармоқда Тошкент шаҳар Мирзо Улуғбек тумани 171-умумтаълим мактабидаги дарахтлар кесилганлиги ҳақида фотосурат эълон қилинди. Суратда 3 туп кўп йиллик дарахт кесиб ташланганини кўриш мумкин.

Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси Матбуот хизматининг маълум қилишича, ушбу ҳолат Тошкент шаҳар ҳокимлиги, Мирзо Улуғбек тумани ҳокимлиги ҳамда Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси томонидан ўрганилмоқда.

Ўрганиш натижаларидан сўнг қўшимча маълумотлар тақдим қилинади.