[ sport ] 18 Noyabr 2023
Флойд Мейвезер мафия бошлиғи набирасига қарши реванш жангида иштирок этади
Кўргазмали жанг февраль ойида Лас-Вегасда бўлиб ўтади. Жангнинг аниқ санаси кейинроқ эълон қилинади.
Эслатиб ўтамиз, Мейвезер ва Готти III ўртасида жанг июнь ойида бўлиб ўтган эди. Саккиз раундга мўлжалланган жангнинг тўртинчи раундида рақиблар ўзаро тортишиб кетди. Олтинчи раундда Жон қоидаларни доимий равишда бузгани учун дисквалификация қилинган. Шундан сўнг Готти III ҳакамнинг тўхта ишорасига бўйсунмай Флойдга ҳужум қилган.
Мейвезернинг жамоаси ва Готтининг вакиллари ҳам жанжалга аралашган. Шундан сўнг оммавий муштлашув бошланган. Ҳакам эса жангни ўтказилмаган деб топганди.
Маълумот учун, собиқ MMA жангчиси Жон Готти III Нью-Йорк мафиясининг бошлиғи бўлган марҳум Жон Готтининг набираси ҳисобланади.
Манба: daryo.uz