Тошкентнинг иккита туманида иссиқлик таъминоти билан таъминловчи янги қозонхоналар қурилиши бошланди

Бу орқали Бектемир ва Сергели туманларида 30 дан ортиқ кўп қаватли уй ва 30 та ижтимоий объект очиқдан ёпиқ иссиқлик таъминоти тизимига ўтади.

Тошкент Сергели ва Бектемир туманларида янги қозонхоналар қурилиши бошланди. Бу ҳақда Veolia Energy Tashkent Матбуот хизмати хабар бермоқда.

Қайд этилишича, иссиқлик таъминоти тизимини модернизация қилиш доирасида Veolia Energy Tashkent томонидан шаҳарнинг Бектемир ва Сергели туманларида Пилот лойиҳаси амалга оширилмоқда. Бу орқали 130 дан ортиқ кўп қаватли уй ва 30 та ижтимоий объект очиқдан ёпиқ иссиқлик таъминоти тизимига ўтади.

Очиқ иссиқлик таъминоти тизими билан сув шаҳар қозонхоналарида иситилади ва истеъмолчиларга етказилади. Ташиш жараёнида иссиқликнинг бир қисми йўқолади.

Ёпиқ иссиқлик таъминоти тизими билан кўп қаватли уйлар ва ижтимоий объектлар янги иссиқлик таъминоти схемасига уланади, бунда сув тўғридан-тўғри объектда иситилади. Бунинг учун ҳар бир объект ташқи ҳароратни ҳисобга олган ҳолда иссиқлик энергиясини тартибга солувчи буғлама билан жиҳозланади.

Лойиҳанинг амалга оширилиши иссиқлик таъминоти самарадорлигини ошириш ва иссиқлик йўқотишларини сезиларли даражада камайтириш имконини беради. Қозонхоналарнинг умумий лойиҳа қуввати 48 МВт ёки 41,4 Гкал/соатни ташкил қилиб, иссиқлик манбаларининг умумий майдони “Водник” қозонхонаси учун 937 м/кв ва “Саноатэнерго” учун 600 м/кв.

Қозонхоналар ишлайдиган ҳудудда камида 13 км иссиқлик тармоқларини реконструкция қилинади. Хусусан, “Водник” — умумий узунликдаги тармоқларнинг 45%и, “Саноатэнерго” — умумий узунликдаги тармоқларнинг 66%и. Лойиҳани фойдаланишга топшириш, келгусида самарадорлик кўрсаткичларини баҳолаш билан, 2024 йилнинг 2-чорагига мўлжалланган.